recent
أخبار ساخنة

شعار مجلس النواب الجديد 2020 صوتك امانه

الصفحة الرئيسية

 



الجميع الان يتحدثون عن الامانه وكأن هذا الشهر هو عيد ميلاد الامانه وامانه هذه الايام هى الادلاء بالصوت الانتخابى. كل المرشحين يقولون صوتك امانه اعطه لمن يستحق ولا تنسى اخيك (( شحيبر المفش مرشح حزب الامانه رمز الصدق)) وتحولوا كلهم الى فقهاء فى الامانه ومتخصصين فى توعية المواطنين على ان صوتهم امانه لما انت يا سيادة النائب بتحسبنى على امانه صوتى وانت بعد نجاحك بتنسى الامانه اللى فى عنقك ليه بتنساه خلال 5 سنين وبتفتكرها بس قبل الانتخابات علشان تاخد صوتى وتضيع الامانه انت ليه ؟؟؟

 لما دخلت المجلس غيرت رقم تليفونك  وجبت رقم تانى للمحاسيب فقط؟؟؟

لماذا بعد ماحلفت اليمين حلفت معاه انى مش داخل الدائرة تانى غير لما الدوره تخلص ؟؟؟

لماذا كل ما حد ربنا يكرمه ويقدريتحصل على رقمك ويكلمك ترد عليه وتقول انا فى مصر عندى جلسه ؟؟؟

هل دى الامانه الى عايز تحسبنا عليها الان ؟؟؟

حضرتك ممكن تقولى كام مرة دافعت فيها عن البسطاء ابنا دائرتك ؟؟

كام مرة عارضت او ساعدت الحكومه فى انك تجيب حق الضعيف قليل الحيله فى البلد دى ؟؟

كام مرة اهتميت بمناقشة ميزانية الدوله وعرفت هى اتصرفت فين وطالبت نصيب بلدك منها و كنت نايم فى الجلسه زى كل مرة وتقول امانه ؟؟

اخى الناخب قبل ان تكتب شعار وتطلب منى تنفيذه تاكد بانك انت من اساء استخدام الامانه انت من يتاجر بالاصوات انت الذى يجب ان تقول الكرسى امانه والبرلمان امانه واحلام الناس امانه وتطلعاتهم للمستقبل امانه

اذا كان صوتى امانه ولم احسن استغلالها او خدعت فى استغلالها هذه مرة واحدة كل 5 سنوات انما انت ايها النائب تخون الامانه كل يوم كل قرار تصوت عليه ضد مصلحة بلدك كل مرة تشاهد التليفون امامك يرن ولا ترد على المتصل تحون الامانه عندما تدخل المجلس من اجل استكمال نومك ولا تشارك مع باقى النواب تخون الامانه عندما توافق على قرار ضد البسطاء والمستضعفين هذه هى الامانه الحقيقية وليس امانه الصوت

الامانه للنائب

الامانه للنائب اشد واقوى من الامانه للناخب امانه الناخب يمكن ان يكون تم خداعه بحجه او اخرى ولم يعرف ما كنت سوف تفعله بعد فوزك

اما امانه النائب سوف تحسب عليها مرتين فى الدنيا وفى الاخرة حساب الدنيا يوم الانتخابات وممكن ان تستطيع خداع الناس مره اخرى او سواء عن طريق الكراتين او شراء بعض الناس اصحاب النفوس الضعيفه ؟؟

  ولكن حساب الاخرة هو الذى لا تستطيع الفرار منه  لانه مسجل عليك ولا احد يستطيع الهروب من عمله اذا كنت حافظت على الامانه ستكون فى منزله عليا فى الجنه واذا كان غير ذلك عقابك عند ربك

 اتمنى من السادة النواب ان يكونوا عند حسن الظن وان يتقوا الله فى الامانه التى هى فى عنقهم وربنا يولى من يصلح ويكون قادر على تحمل الامانه 

سمير المراغى

 

 

google-playkhamsatmostaqltradent